Con motivo do Cincuentenario (1952-2002) do noso colectivo profesional edítase este libro monográfico sobre a Historia do Colexio de Químicos, desde a súa constitución ata os nosos días. É a nosa intención dar a coñecer a todo o noso Colectivo e á Sociedade, o longo camiño xa andado, desa forma poder afrontar o longo futuro que nos queda por andar.

Nel non se xulga nin se felicita, non se reprocha nin se eloxia, só se expoñen fidedignamente todas aquelas vivencias, anécdotas, eventos que con maior ou menor sorte deron lugar ao que hoxe é o Iltre. Colexio Oficial de Químicos de Galicia. Nel traballamos todos, uns botando man do recordo para plasmar as vivencias dos que xa non están, e outros tendo a posibilidade de escribir as súas propias, pero todos cun mesmo ánimo, reflectir as inquietudes e as expectativas coas que cada Xunta Directiva desempeñou o seu traballo ao longo destes 50 anos.