OBITUARIO
 
Esta semana recibimos a lamentable noticia do falecemento de Dona Visitación Romero.

“Hoxe recibín unha moi mala noticia e foi a do falecemento da nosa secretaria do Colexio de toda a vida, é dicir Dna. Visitación Romero, nomeada Membro distinguida no ano 2000. ​
Foi unha muller de moito carácter cunha cabeza marabillosamente amoblada, que despois dunha aciaga vida laboral foi contratada, cando houbo o diñeiro suficiente e por tanto en precario polo Colexio hai xa moitos anos, dixéronmo pero xa non me acordo e que ela en contrapartida adoptounos, como avoa, nai ou irmá, segundo a idade de cada un de nós e a todos coñecíanos. ​
Sabíallo todo do Colexio e a organización funcionaba grazas a ela, encargábase mesmo de perseguir a Decanos, Secretarios e Tesoureiros para que cumprisen as súas funcións, se existimos hoxe en día e en parte debémosllo a ela.
Cando a herdei, eu nunca tivera unha secretaria única, sempre foi compartida e o noso primeiro contacto foi un pouco crítico, xa que eu por entón ía de executivo en plan americano e ela mirábame con bastante desconfianza, o natural…, ​
Cando empezou a descubrir que xa me estaba decatando de todo, que seguía todos os temas e que chegue a coñecer a organización, non tan ben como ela, pero se bastante mellor que o secretario de quenda, a súa actitude cambio totalmente e converteuse no meu mellor asesora, xa que, se unha cousa non lle gustaba ou lle parecía inadecuada, dicíacho moi claro, pelos na legua nunca os tivo. ​
Evidentemente o seu contrato laboral foi posto ao día segundo a lexislación vixente nesas datas ​

Moitas grazas por todo Visitación. ​

Espero que algún día volvamos atopar en algures.

Pelayo Rubido Muñiz
Ex decano do Colexio de Químicos de Galicia e
Ex-presidente do TA galego de ANQUE ”