O Congreso Internacional ENCONTRO GALEGO-PORTUGUÉS DE QUÍMICA

​

Anualmente, entre Portugal e Galicia, celébrase o Congreso Internacional ENCONTRO GALEGO-PORTUGUÉS DE QUÍMICA, un evento de referencia no ámbito científico que alterna a súa sede entre ambos territorios. A organización corre a cargo da Sociedade Portuguesa de Química (SPQ) en Portugal, e do Colexio Oficial de Químicos de Galicia xunto coa Asociación de Químicos de Galicia en Galicia.

​

Este ano 2025 celebramos con entusiasmo a 29ª edición deste prestixioso encontro, consolidado como un foro internacional clave para o intercambio de coñecementos nos distintos eidos da química básica e aplicada.

​

O ENCONTRO é unha oportunidade única para que investigadores, profesionais e estudantes presenten os seus traballos máis recentes, xa sexa en formato de comunicación oral breve ou en formato póster.

​

O seu principal obxectivo é fomentar a colaboración e o intercambio científico-tecnolóxico entre a universidade e a industria, reforzando así as redes de coñecemento no ámbito da química e da enxeñaría química.

​

Convidámoste a formar parte desta cita imprescindible que, ano tras ano, impulsa a excelencia científica e a cooperación transfronteiriza.