Vigo, 16 de novembro

O pasado sábado 16 de novembro celebramos na cidade de Vigo a Festividade do noso Patrón, San Alberto Magno, unha xornada moi especial para a comunidade colexial.

O acto central tivo lugar no Restaurante do Hotel NH Collection Vigo, onde compartimos unha agradable comida nun ambiente de compañeirismo e reencontro. A continuación, procedeuse á entrega de distincións aos colexiados que cumpriron 50 e 25 anos de pertenza ao Colexio, un recoñecemento merecido a toda unha vida de compromiso e dedicación á profesión.

Así mesmo, demos a benvida oficial aos novos membros do Colexio, aos que se lles entregaron os seus respectivos diplomas.

Durante o acto, concedéuse o recoñecemento de Colexiada Distingüida a Dª Covadonga Salgado Blanco, pola súa traxectoria exemplar e a súa valiosa contribución á profesión química.

Finalmente, entregouse o Premio Excelencia Química Empresarial de Galicia á empresa abcr Laboratorios S. L., en recoñecemento á súa destacada labor no ámbito científico e empresarial.

Foi unha xornada entrañable e emotiva, na que tivemos a oportunidade de celebrar, xuntos, a vocación, o esforzo e a excelencia no exercicio da Química.